Әзербайжан Ішкі істер министрлігінің делегациясы жұмыс сапары барысында Қазақстан полиция департаментінде болды, деп хабарлады Polisia.kz.
Ержан Сәденов пен Вилаят Эйвазов қылмыспен, оның ішінде ұйымдасқан нысандармен, есірткінің заңсыз айналымымен, киберқылмыспен, экстремизм көріністерімен және қауіпсіздіктің басқа да қатерлерімен күресудегі ынтымақтастықтың басымды мәселелерін талқылады.
Кездесуге қатысқан тараптар қызметтің көптеген салаларындағы екіжақты ынтымақтастықтың оң нәтижелерін атап өтті.
Жылдам ақпарат алмасу және оң жұмыс тәжірибесін қоса алғанда, әріптестікті кеңейту перспективалары анықталды.
Сондай-ақ іс-шара барысында Әзірбайжан Ішкі істер министрлігінің делегациясы құқық қорғау саласындағы цифрлық шешімдермен танысты.
Кездесуден кейін екі елдің министрлері заманауи сын-қатерлер мен қауіп-қатерлерге қарсы күресте ынтымақтастықты нығайту ниеттерін білдіретін хаттамаға қол қойды.