Қостанай облысында полицейлер «Ахмет Батұрсынұлы атындағы ҚРУ» КЕАҚ түлектерімен кездесті, деп хабарлады Polisia.kz.
Қостанай облыстық полиция департаментінің Әкімшілік полиция басқармасы мен Кадр саясаты басқармасының қызметкерлері Ахмет Байтұрсынов атындағы Қостанай өңірлік университетінің машина жасау факультетінің студенттерімен кездесу ұйымдастырды.
Кездесуде полиция қызметкерлері ішкі істер органдарының кәсіби біліктілігі бар студенттерді жұмысқа орналастыру мүмкіндіктерін талқылады. Атап айтқанда, Қазақстан Президенті халыққа жолдауында айтып өткен кадрлық әлеуеттің өсуі жағдайында техникалық және жол инспекциясы саласындағы бос орындарға баса назар аударылады.
Полиция қызметкерлері заманауи мәселелерді тиімді шеше алатын жоғары білікті кадрларды даярлаудың маңыздылығын атап өтті. Студенттер бұл тақырыпқа үлкен қызығушылық танытып, полициядағы мансаптық перспективалар мен жұмыс жағдайлары туралы сұрақтар қойды.
Мұндай кездесулер жастарды жұмысқа орналасу мүмкіндіктері туралы хабардар етіп қана қоймайды, сонымен қатар құқық қорғау органдары мен қоғамдастық арасында сенімділікті арттырады.
Полицейлер ішкі істер органы қатарына жаңа мамандарды тарту мақсатында осындай іс-шараларды жүйелі түрде ұйымдастыруды жоспарлап отыр.