Америкалық xAI стартапы өз қызметінде жасанды интеллект қолданатын ойын әзірлеу студиясын ашады. Бұл туралы америкалық кәсіпкер, Space X және Tesla компанияларының негізін қалаушы Илон Маск X әлеуметтік желісіндегі (бұрынғы Twitter) парақшасында хабарлады.
«Тым көп ойын студиялары ірі корпорацияларға тиесілі. xAI ойынды қайтадан керемет ету үшін AI ойын студиясын ашады!» – деп бөлісті.
xAI негізін Маск 2023 жылдың наурыз айында қойған. Оның мақсаты – жетілдірілген математикалық ойлау мүмкіндіктері бар AI жасау. Тамыз айының соңында Маск супер AI үйрету үшін Tesla Cortex суперкомпьютерін таныстырды. Жүйе жалпы қуаттылығы 130 МВт тұтынатын 70 000 AI серверімен жабдықталады, 2026 жылға қарай 500 МВт-қа дейін кеңейту жоспарлануда.
Cortex 50 000 Nvidia H100 үдеткіштері және компанияның 20 000 жеделдеткіштері бар AI жүйелерін оқытуға арналған Tesla компаниясының ең үлкен суперкластері болады. Бұл жүйе нақты әлемдегі AI мәселелерін шешу үшін жасалуда.