SpaceX компаниясының иесі америкалық бизнесмен Илон Маск 2025 жылға қарай Falcon 9 зымыраны 180-нен астам ұшырылуы мүмкін деп санайды. Бұл туралы РИА Новости жазады.
Сонымен бизнесмен 2006 жылдан бері зымыран ұшыру статистикасын беретін X әлеуметтік желісін қолданушылардың бірінің жазбасының астына пікір қалдырды.
«2025 жылға қарай Falcon ұшыруы 180-ден астам болуы мүмкін», — деп жазды Маск.
Сонымен қатар, 16 желтоқсандағы статистикалық мәліметтерге сәйкес, биылғы жылы 126 зымыран ұшырылған.
Еске салайық, тамыз айында Илон Масктың Falcon 9 ауыр зымыранында төтенше жағдай орын алған болатын. Gravitas Shortage теңіз платформасына қонған кезде зымыран тасығыштың бірінші сатысы аударылып, өртенді. Бұл 2021 жылдан бері бірінші рет зымыран сатысы пайдалы жүкті орбитаға орналастырғаннан кейін сәтті қона алмады. Осы ұшыру аясында Falcon 9 Starlink желісіне 21 спутникті жеткізді.