Он жылдан кейін Neuralink ми имплантаты миллиондаған адамға имплантацияланады. Бұл пікірін кәсіпкер Илон Маск X әлеуметтік желісіндегі парақшасында білдірді.
Масктың айтуынша, «бәрі жақсы болса», алдағы бес жыл ішінде Neuralink әуелі жүздеген, содан кейін ондаған мың, содан кейін миллиондаған пайдаланушыларға ие болады.
Миына чип орнатылған адам өз ойының күшін пайдаланып, компьютер тінтуірінің қимылын басқара алады.
Neuralink – компьютермен немесе смартфонмен тікелей әрекеттесу үшін адам миына имплантацияланған чип.
Оны имплантациялау бойынша алғашқы ота 2024 жылдың қаңтарында болды. Ол дене бөліктерінің қозғалысын басқаратын ми аймағына ми-компьютер интерфейсін хирургиялық имплантациялау үшін роботты пайдаланды.
2024 жылдың наурыз айында Neuralink имплантын алған алғашқы адам Нолан Арбо шахматты ойымен қалай ойнайтынын көрсетті. Жеті жыл бұрын Арбо апаттан кейін сал болып қалған.
25 маусымда Арбау оның миынан кейбір электродтар алынып тасталса да, құрылғының тиімділігі жақсара бергенін хабарлады.
5 тамызда Маск Neuralink имплантын алған екінші адам туралы айтты. Оның айтуынша, науқастың миында 400 белсенді электрод бар.
Бұған дейін Маск смартфондар туралы алаңдатарлық болжамдар жасаған.