Тесланың адам тәрізді роботы Optimus нейрондық желінің арқасында өрескел жерлерде жүруге қабілетті. Бұл америкалық кәсіпкер әрі миллиардер Илон Масктың X әлеуметтік желісіндегі мәлімдемесі.
«Optimus аяқ-қолдарын басқару үшін нейрондық желінің көмегімен өрескел жерлерде жүре алады», — деп жазды ол.
Маск Марста қала салу жоспары туралы ақпаратты жоққа шығарды
Әлеуметтік желіде роботтың таудан төмен түсіп, жоғары көтерілу қабілетін көрсететін видео жарияланды. Оған қоса, бейнеде роботтың тепе-теңдігін жоғалтып, құлап қала жаздағанын, бірақ сонда да тұра алғанын көруге болады.
Маусым айының ортасында Tesla акционерлерінің жиналысында Илон Маск адам тәрізді робот Optimus Gen 2-нің жаңартылған нұсқасын жариялады және оның құнын атады. Олар адам тәрізді роботты 10 мың долларға сатуды жоспарлап отыр.
Сонымен қатар, жыл сайынғы акционерлер жиналысында Маск компанияның зауыттары жақын арада бірнеше мың Optimus-пен жабдықталатынын хабарлады. Оның айтуынша, келесі жылы Tesla кәсіпорындарында мыңнан астам, мүмкін бірнеше мыңнан астам робот жұмыс істейтін болады.
Бұған дейін журналистер Tesla Optimus роботын әшкерелеген болатын.