Үндістан өзінің өршіл ғарыштық бағдарламасы аясында 2040 жылға қарай Айға астронавттарды жіберуді жоспарлап отыр. Ұшыру күні туралы NDTV арнасында Үнді ғарыштық зерттеулер ұйымының (ISRO) төрағасы Сридхара Соманат хабарлады.
«Біз тәуелсіздіктің 100 жылдығын тойлап жатқан кезде Айда Үндістанның туы желбіреді. Біздің адамдар сонда барып орнатып, аман-есен оралады. Бұл 2040 жылы болады», — деді ол.
ISRO басшысы ғарыш бағдарламасы тарихында алғаш рет ұйымның алдағы 25 жылға болжамы бар екенін атап өтті. Атап айтқанда, Үндістан алдағы 10 жылда өзінің жеке ғарыш станциясын салуды жоспарлап отыр. 2028 жылы станциялық модуль іске қосылып, оның толық қолданысқа енгізілуіне жол ашылады.
Қыркүйек айында Үндістан үкіметі Бхаратия Антарикша станциясының Жерге жақын орбиталық көпмодульді ұлттық станциясының құрылысын бастау бойынша жұмысты мақұлдағаны хабарланды. Станцияны орналастырудың басталуы Үндістанның басқарылатын Гаганьяан бағдарламасының аяқталуымен байланысты.