Бүкілхалықтық ереуілге байланысты Бельгияда көлік қозғалысының үлкен кедергілері күтілуде. Бұл туралы РИА Новости хабарлайды. Брюссель халықаралық әуежайының техникалық қызмет көрсету және қауіпсіздікпен айналысатын қызметкерлері ереуілге қосылады. Осыған байланысты көптеген рейстер кейінге шегеріледі немесе жойылады.
Теміржолшылар, қалалық автобустар мен трамвай жүргізушілері, метро жұмысшылары ереуілге қосылуға ниетті екендіктерін мәлімдеді. Желтоқсан айының басында Германияда Фольксвагеннің 70 мыңға жуық жұмысшысы елдегі зауыттардың жабылуына наразылық білдіріп, ереуілге шықты.
4 желтоқсанда британдық екі газет — Guardian және Observer қызметкерлері соңғы 50 жылда алғаш рет екі күндік ереуіл ұйымдастырды деп хабарланды. 3 желтоқсанда Финляндияда айдың алғашқы екі аптасында бір күндік сегіз ереуіл өтетіні хабарланды.