Израильде премьер-министр Биньямин Нетаньяху, қорғаныс министрі Йоав Галлант және Бас қауіпсіздік басқармасының (Шин Бет) директоры Ронен Бараға қарсы қастандық жоспарға тосқауыл қойылды. Жоғары лауазымды шенеунікті өлтіруді Иран жоспарлаған деп хабарлайды Jerusalem Post.
Мәлімдемеде: «2024 жылдың тамызында Израиль полициясы мен Шин Беттің бірлескен операциясы кезінде… Иран режимінің барлау элементтерімен байланысы бар Израиль азаматы қауіпсіздік қылмыстары күдігімен ұсталды».
Израильдегі кісі өлтіру жоспарын әзірлеу үшін Иран Түркияда ұзақ уақыт тұрып жатқан израильдік кәсіпкерді пайдаланбақшы делінген. The Times of Israel басылымының хабарлауынша, сотталушы тамыз айында тұтқындалып, оған 19 қыркүйекте айып тағылған.