Палестинадағы Хамас қозғалысының әскери қанаты «Әл-Кассам бригадалары» 1 қазан күні кешке Тель-Авивтің оңтүстігінде болған терактіге жауапкершілікті өз мойнына алды. Бұл туралы РИА Новости хабарлайды.
Хамас мәлімдемесінде: «Әл-Қассам бригадалары жеті сионистің өліміне және тағы 16 адамның жаралануына әкелген Джаффа операциясы үшін жауапкершілікті өз мойнына алды», — делінген.
Еске салайық, 1 қазанда Тель-Авивтің оңтүстігінде М-16 автоматтары бар екі лаңкес трамвайға кіріп, жолаушыларға оқ жаудырған болатын. Содан кейін олар сыртқа шығып, Иерусалим Тель-Авив-Яфо даңғылында өтіп бара жатқан адамдарға оқ жаудырды. Лаңкестердің әрекеті салдарынан 7 адам қаза тауып, 16 адам әртүрлі ауырлықтағы жарақат алды.
Белгілі болғандай, қаза тапқандар арасында Грекия мен Молдова азаматтары, жараланғандар Беларусь және Украина азаматтары. Терактке қатысушылардың бірі оқиға орнында қаза тапты, екіншісі ауыр жарақат алды.