Америкалық бизнесмен Илон Масктың SpaceX компаниясының Starlink спутниктік байланыс жүйесі енді өзін-өзі жариялаған Косовода қолжетімді. Бұл туралы X әлеуметтік желісіндегі Starlink парақшасында хабарланды.
«Жоғары жылдамдықты, кідіріссіз Starlink интернеті енді Косовода қолжетімді», — делінген хабарламада.
Бұған дейін Маск SpaceX ұялы телефондарға тікелей қосылу үшін орбитаға алғашқы 20 Starlink спутнигін шығарғанын айтты.
Америкалық кәсіпкердің айтуынша, бұл шалғай аудандарда немесе жерүсті инфрақұрылымы бұзылған төтенше жағдайларда коммуникацияларды пайдалануға мүмкіндік береді. Starlink – сенімсіз, қымбат немесе мүлде қол жетімді емес жерлерде жоғары жылдамдықты кең жолақты жерсеріктік Интернетке қол жеткізуді қамтамасыз ету үшін SpaceX орнатқан ғаламдық, планеталық жасанды жерсерік жүйесі.
SpaceX спутниктік жүйелерін зерттеу, әзірлеу және өндіру бөлімі Редмонд қаласында орналасқан.